حركة البيبى

-يا ترى البيبى هيتحرك امتى ؟
-البيبى مبيتحركش يا دكتور، اعمل ايه ؟
كل دى أسئله مهمه عن حركه البيبى ، و دول 6 معلومات مهمه جدا لازم تعرفيهم كأم...

1-فى الحمل الاول عادة البيبى بيتحرك فى بدايه الشهر الخامس
2- فى الحمل المتكرر الحركه بتكون من اخر الشهر الرابع
3- الحركه اللى فى اول 3 شهور بتكون مش حركه حقيقيه للجنين
4-مش معنى ان البيبى بدأ يتحرك ان لازم يتحرك كل يوم لحد نهايه الشهر السادس
5-من نهايه الشهر السادس و بدايه السابع البيبى بيتحرك كل يوم 10 حركات خلال 12 ساعه بتوع النهار
6- طبيعه و قوة الحركه بتقل شويه فى اخر التامن و اول الشهر التاسع ، لكن عدد الحركات بيفضل مستنر

تابعى حركه طفلك باستمرار ، و استشيرى طبيبك لو حسيتى بأى حاجه غريبه ، و خليكى دايما مطمنه

منقول من صفحة دكتور محمد الرنتيسى